yassan
Imherri
Messages : 536
Date d'inscription : 02/08/2007
Localisation : Adrar
 | Sujet: 16 Mayyu  Jeu 14 Mai 2009, 16:21 | |
| 
Sulen iḍrisen n iḥidas g Igwelmimen neγ g Lxwerbat ur da ten-ittawey imi n iγrem. Ar da, ur ta ukizen Imaziγen tawaγit asen-ittuḥebbalen g itsen wansiwen ur dmin.
16 Mayyu 1930, tessafeγ-d Fransa ayenna ittyassnen g umezruy s "Dahir berbere". Netta iga yan uzref amaḥul xef izmel ugellid, maka gan-t itsen d asfall n unṣaḍ n Imaziγen, taγerma d tmagit-nnsen g usekka n tmazirt.
Mayyu 1933, llan Imaziγen, inezbayen imeggura, da reggwlen ddaw titi d usfurdu n tsaylalin n Fransa a nn-awḍen izilalen n Baddu d Bugafer ad kksen azwar i yili-nnsen fergen i timmuzγa-nnsen.
Cigan n tsutiwin n Imaziγen salent ayed d-imγin g uneẓruf! Aseggwas n sin igiman (2000), yaγul wudem n tmazirt-nneγ ur irwas izri-nes! iles-nneγ izla tazedgi-nnes irway allig iga amerku! aγulen iḥidas g imawen n iγerman ur ufin mayed ten-isbeddan.Idraren, aqqiwen d isaffen-nneγ meqqar sulen llan, da yallan γef uzzuzef ittugan i tamust-nnsen allig asen-d-iggra ad asin asaγen (noms) ur igin winsen.
Ugar akw, aγulen llan g warraw n Tmazγa winna iγalen is gan tiktert s d-iggwez Wakuc seg yigenna s akal! aγulen da zzenzan tiwirga ittadjan yan ad igen s ibeddi!
16 mayyu 2003 , ffγen-d ikeswaten n umlalad-a s taseddi ad ssun i umata ikḍif amezwaru g ubrid n tillas ittawin s arwas.
Iwa mani imal-nnek a Amaziγ? Mani abrid ittawin g usidd s asekka? | |
|
Accueil