amellago
Vous souhaitez réagir à ce message ? Créez un compte en quelques clics ou connectez-vous pour continuer.



 
AccueilAccueil  Asmel nUmellagoAsmel nUmellago  GalerieGalerie  RechercherRechercher  Dernières imagesDernières images  S'enregistrerS'enregistrer  ConnexionConnexion  
Le deal à ne pas rater :
Nike : Jusqu’à 50% sur les articles de fin de saison
Voir le deal

 

 Tawargit

Aller en bas 
2 participants
AuteurMessage
yassan
Imherri
Imherri
yassan


Messages : 536
Date d'inscription : 02/08/2007
Localisation : Adrar

Tawargit Empty
MessageSujet: Tawargit   Tawargit EmptyMer 14 Jan 2009, 05:36

Dedié à ALIWMUHA ET AWRAGH

Beddiγ ad fruγ i ait ubrid atig n-uzerruy .Riγ ad sderfeγ astid kkiγ , afeγed dati sserrid ķu yan ar ittqqel. idel muhul niberdan d-uqmar n wul i umata n-id amm nek ittgannan an awen mas ddan.
Cigan n tusdidin ayed izrin dat an awdeγ mulley inew ad zriγ.Asiγ taγunfut , nniγ tefra seg mayedi irzem imiri , rtiγ an awdeγ ziķ dat adi issiķel yiḍ suleγ da tedduγ.Ar telliγ g iberdan , Tiķlet adi yameẓ wafa azgwaγ ,tayeḍ nejmeγ i usnbuttel nes.ur-nn uwideγ tegemmi alligi iwhel unelli.
Rmiγ ad a
ķzeγ aqmar n-iγerman ixataren d win wulawen n-imezdaγ nsen.Rmiγ ad afeγ mami iffulles wanecta n timaγunin itettin meķ urid ad sswunfunet afgan tten tt-innuyen.Meqqar ssalin medden s-afella, ur ufin ad kkin tasega i umhuz n tudret nsen.Uliγ tiķetrin an awdeγ ad swunfuγ , mmgarγen d-icirran irgwlen ggadinasen irebsan.Utiγ s tesga ad zriγ ad ur mnaqqareγ d ķa izaydi muhul!
Agensu , icirran ar tgannan, γas kkiγ-nn tiflut asined ibecķan. Wa ira adas ssefruγ ca g tγuri wa ira idrimen wayed ari ittettel i idaren ad ilhu.Nek ur sulaγ giγ zun id irzem ca g-urwa n unebdu. Utci ur diges seqsaγ , yuf usgwen utci.Sarseγ iγef nniγ ad sendeγ iddud yiṭtes yawyi.
Feqqeγen g iγrem , hudreγ aķ ķduγ ayaķal n tmazirt inew, ķtiγķid ayanarγi n irbi n mma. Hezzaγed tennayi twengimt inew ķa . imiq alseγ,tikelta mehdeγ afella nes, iwtid wadu n-izreg talẓaẓt d-uķennud , iggafey-as umeddaz i-imadliwen n wulinew !
Ah, tenγayi tγufi nnem a tamazirt inew , riγ aķem ḥamzeγ , aķem ssudmeγ ur ssineγ mag am zeggureγ. Tetcayi tγufi n idraren d imedwan d igḍaḍ nnem , riγ ad aggeγ ķu adγar lliγ g ķķiγ da regwleγ , beṭtu nnem yudja digi azmul d tγufi . Riγ a-tamdint ad inniyeγ iqburen immuten g unemri , ad izireγ imadliwen d luḍa nnem da rekmen s tudret n-imezzan .Ur ufiγ nek d mi isemraran awal , assa nnem ur irwas azmez lliγ .Riγ ad afraweγ s-igenna ad inniyeγ amata n tarwa nnem magen fferr.
Ggafiγ i wasif imiq snaγseγ rzeγ tamezzuγt sellas i ķan wawal , illa zun dad itffeγ islli, ssutmeγ s tesga tawuri idi yuwin s da , nniγ ad aķzeγ mayedi inna. Meķ urmeγ att asiγ , s γuri , dinna gi iwhen adas islliγ , iwet s-ifesti yagey adi irrar awal. Udjiγet g dinna g illa iggudey umeεmaε , adi iddu gwdeγ adur yad as aselliγ.
Ar sekleγ allig ufiγ attayen g-ittmra , γezeγ yat texbut ureγ adas iselliγ.Ggunniγ cigan mantur isawal, imiq iγered inna sfeled i tiwent-a :

 Meqqar uri tuķized adaķ iniγ, iwa ameẓ han ķa izeglen tiķelt-a
 Ara tiwent neķ , meqqar ureķ ssineγ,ad semķtiγ tidet ccili, γas iniyi
 Amur nnun imimeķ iga allig ur yat tlim ? da iregwel ca digun yiγil is ur tar as lin tawuri, aqmar ittuhuz umata digun ar tiseḍrin.
 Muhul ayed-id yuwin adaķ iselliγ , riγ ad swunfuγ ma amur cigan isul ilat
 Matta umur tlid a bu yicķi n-imal , gwdeγ abdar nnun ur yad illi ammas n wi
 Nekk ayed issen ifsan inew mag asen sentalegh.yuf uzwag is da zẓuγuren tamara !
 Imaķid yuwin adi ti tattled, meķ ur γureķ yad llin icenga ?
 Max mas tesned icenga isaγed kkan attayen ?
 Neķ ayed igan iman n-iqburen nnun , amezruy ur as ngi mas awen ittuga imci
 Hlaneķ , adu tzerrid ared-i tinid
Fafaγed, ur fukkaγ aswireg ,ur swanfaγ , ur liγ tawuri ann zeγdeγ g-umezruy ca g iγerman. Add mmuttiγ s da g illa uqmar , add dduγ s da urid iseķtayen xes icenga . asiγ aẓaẓa , saγ ssaķlen ad ur nwerwer , awdeγ ad iliγ tawuri.Han tasuta deγ ures yad id ad tili ili ? asekka hat ad meḥdeγ diγ s wass , ad armeγ iselli , is urid itrara awal
Revenir en haut Aller en bas
https://amellago.motards.net
Awragh
Anammas
Anammas



Messages : 49
Date d'inscription : 01/07/2008

Tawargit Empty
MessageSujet: Tawarqitt   Tawargit EmptyMer 14 Jan 2009, 08:20

Tanemmirt tazentart Mr yassan, ghif y ifid' ddegh nna y agh ed i tessifd'ed tawargitt nk, nekk d Aliwmuha, tessemghwred agh iss cigan ak issemghwr wenna ibad'n i y iman dig ngh. Sulegh ad ed ughulegh ghr tirra-ddegh, nk illa mayd ghif sent nettini, maca s g ufella iz'il w awal. Tanemmirt a yasssan..tanemmirt a y aryaz-a..
Revenir en haut Aller en bas
 
Tawargit
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
amellago :: Tasekla :: ( Essai littéraire )-
Sauter vers: