Awragh Anammas
Messages : 49 Date d'inscription : 01/07/2008
| Sujet: S G GHUR-GH D W UWRINN-AGH Dim 02 Nov 2008, 00:23 | |
| S G GHUR-GH D W UWRINN-GH
(DE CHEZ NOUS ET D’AILLEURS)
Tiddi tacett’want, udm akwnd’erray d w allan inyaman ti n Wahi. Ur illi wenna ur t issinen g tmazirt imci-nna ur illi wenna ur ed yuwiyn ach’al g winna mi ur djin ikki dat a sen ad t inniyn.
Ilula Wahi attayn n w 1907, g w jjim n y id’ n w ass amewaru n Nniyr, g yan w sfalu ghif Ighwran N W Awal, nil y Isk N Ayt Mraw. Ur en ikki g tadist n may s ghas attayn n 7 n iyarrn mc ten i en ikka. Tegellint n may s n may s ayd as isghwrtn, tigellint n ti n bab ns ayd as ibbyn timitt’.
Awd yan ed icettyn ass nna g as tega may s irkemn iddegh ed iger tughmas timezwura. Mghar da ttinin medden tined’fas timajjyalin ayd ed izzewar netta, llan winna da ed icettyn is as ikka w saghwy n ircemn n y irdn n y ilks s agerd’ I Wahi.
Iddegh ed itty w seggwas, igellin n Suban, ad ghif s isifess bab n tenbad’in ti nw az’y I en, ayd as ikkesn azzar i Wahi,yadj as azag am u yenna ittegga ighess n bab ns, idd wi n may s, da ttinin, tacwutt’ ayd da ttaggayen nitni, ghif y isk ayeffas n ighf, ard yawl ka ayd da ts ittekkes.
Ass n tsekra ns, g yan g w ussan 1912, a g tessufegh may s n may s, a en taf mayd iz’ilen dat as, iman d’art u yenna a sen tenna “ Iwa dghi ayd ssenegh is iga memmi s n illi aryaz adwal!”. Ur tekki ti n bab ghas ca idrusn d’ar as tet’fur ts awd nettat, ad ghif sent isilw bab n tenbad’in tanbatt’ yary ighsan n temgharin-a I w anemri n di en.
Isul Wahi da ed icetty id h’ellu ns, ur djin as ffighent tseflas n tfiras n w udmawn n sent, s snat, dat w alln. Awd ass-a, ad yasy kw yat, dig sent, s ti ns ammas n tmgharin.
Ur djin id’ir Wahi taghuri ur djin ts ikki. Ur djin t I tegraz’ ar iseggwasn n id 1960 nna g da ittarem ad ikjem ixuyd’an n w awal n lintixabat. Di-nnagh ayd idda ghr yan w Tdwght, da y as ttinin Mulay Âli, ikka yumz’ ghur ayt igherm aqdim g tmezgida, ad id s isiwl ghif tmukrist n tghuri nna ur igheri.
- Mayd id s teânid a tt'aleb? Mayd ac tega ddunit, mani icirran d Muna idd labas ghur sen?
- Labas ad t ghur c Ige Rebbi. Mani c ceyyin,mani wi nc idd lman ghur w n Ayt Wahi?
- Lman a Mulay Âli nw ad ac idel issu y ac ceyy d mayd akkw ittisellin. Ini y I is teghrid tafransist?
- A wa mantur a wa! Is a ked tedda ka n tbratt yarun s tfransist?
- Ghas nnigh llatin teghrid ts dilli g agh tecicciyem a naly leâwari, twtem agh id’arrn ad ttemsawalem d ir’umyn, ar agh a sen tezzenezam a y imâiwrd’n. Mayd iran ad I ed yuru tabratt s tfransist?
- Ca g willi mi ir’my w agari s sen ak issiwd’ akal allig ddan tesaled tebeddid awd ass-a. Mr gherigh tafransist is ghif wn dghi gigh lh’acm.
- Awd wennagh d awal.
Izemzugherr Wahi iddu, ur yad as iruri w gwrram iddegh idda w awal ad imsis. Ur ikki w Tdwght ghas attayn 8 n w ussan d’art w yenna imsawal d Wahi ghif tghuri n tfransist tecaca t tqbilt tamz’ yuwn yad’nin igheran cigan, awd tafransist issen as, da y as ttinin Mulay Âisa.
Isul..
Awragh
Dernière édition par Awragh le Dim 02 Nov 2008, 17:13, édité 3 fois | |
|
khedich Admin
Messages : 358 Date d'inscription : 16/08/2007 Localisation : Amellago
| Sujet: seg γurγ d-iwr ennaγ Dim 02 Nov 2008, 04:41 | |
| tanmirt nek amddakl AWRAGH eddu imkinnaγ a nissin lmjriyt n εemmi Wahi, igr bnadm g-iγfens mami tla tγuri tawuri . | |
|