Ur n-Zella

Sujet: Ur n-Zella Lun 05 Nov 2007, 08:57

Meqqar ak-gan tamaddit
Ad terzemd i tmagit,
Ad ur k-ttamez tergagit!
Akarif, ddu bbi-t!
G-t d amm twargit
S dat, ddu s afella awi-tt!
zer igenna, tfur titrit!
Abrid, hat tessuddid-t.

Han wa ur idd zund winn
Hat g winnec ag uwin
Imaziγen, ur idd is bbin;
Irizen, ur idd is ur llin
Ula d is ur cwin,
Tiwizi ayed ur ssinen;
U ma abrid, ad t-zzrin
G uynna g ur djin kkin.

Ferdat abrid is llan,
Imran-nnes γas dlan!
Rarat-t s ayenna kkan!
Ad iddu udar ur nyaman,
Ur kkaten ifikac ifednan.
Ssilyat tireggwin n waman
Ad kerzen ayt yigran
Amud mi γalen is t-nγan
Ad iger ifer iεlulan
Yarew ifsan ilin εtan
Yaγul uzγwer ayelliγ d-kkan

yarut yassan ass n 05/01 2007